શ્રી મહાપ્રભુજી તેમના સેવકો સાથે તાગડી પધાર્યા. તે બધા એક બ્રાહ્મણ ખેડૂતના ઘરની નજીક બિરાજ્યા, જ્યાં તે તેની પત્ની અને બે નાના પુત્રો સાથે રહેતા હતા.
બ્રાહ્મણ ખેડૂતની પત્ની ૧૦ ગાયો અને ભેંસની સંભાળ રાખતા હતા, જેના દૂધમાં તે દરરોજ માખણ અને ઘી વલોવતા. એક દિવસ, દૂધ મથ્યા પછી, બ્રાહ્મણ ખેડૂતની પત્ની નજીકના કૂવામાંથી પાણી લેવા ગઈ. તે દરમિયાન, બંને નાના છોકરાઓ જાગી ગયા અને ભૂખ્યા હતા, તાજા માખણ અને ઘી જોઈ અને તેને ખાવા લાગ્યા.
બ્રાહ્મણ ખેડૂત, તેના પુત્રોને માખણ અને ઘી ખાતા જોઇ ઉત્સાહિત થઈ ગયો. તે તરત જ શ્રી મહાપ્રભુજી પાસે દોડી ગયા અને વિનંતી કરી, "મહારાજ, કૃપા કરીને અંદર આવીને જુઓ. શ્રી કૃષ્ણ અને શ્રી બલરામ માખણ ખાઈ રહ્યા છે!" શ્રી મહાપ્રભુજી પણ તેઓને જોઈને ખુશ થયા અને બ્રાહ્મણને કહ્યું, "તમારા ઉપર ભગવાની ક્રુપા છે કે તમે ભગવદ લીલાને યાદ કરી તમારા પુત્રોને માખણ અને ઘી ખાતા જોતા. પરંતુ, તમારી પત્નીનો સ્વભાવ થોડો લોભી છે. તેથી, જાઓ અને તેને બાળકોને ઠપકો ન આપવા સમજાવો. કારણ કે દરેક બાળક ભગવાનનો એક અંશ છે અને તેને શ્રી કૃષ્ણ અને શ્રી બલરામની વ્રજની દિવ્ય માખણ ચોરીની લીલા વિશે યાદ અપાવે છે. "
બ્રાહ્મણે શ્રી મહાપ્રભુજીની આજ્ઞા અનુસરીને આ ઘટના તેની પત્નીને કહી. બ્રાહ્મણે કહ્યું, "ભગવાનની કૃપાથી તે મહાપુરુષ ભગવાનનું રૂપ છે અને આપણા ભાગ્ય છે કે તે આપણા ઘરે પધાર્યા. " આ વાત સાંભળીને તેમની પત્ની ખૂબ ખુશ થઈ અને તે બંને ઘરે આવીને શ્રી મહાપ્રભુજીને નમન કર્યા. શ્રી મહાપ્રભુજીના આશીર્વાદથી પત્નીની લોભી પ્રકૃતિ તરત જ દૂર થઈ ગઈ.
ખેડુત દંપતી અને શ્રી મહાપ્રભુજીના તમામ સેવકોને તે બાળકોમાં શ્રી કૃષ્ણ અને શ્રી બલરામના અલૌકિક દર્શન થયા.શ્રી મહાપ્રભુજીએ ત્યારબાદ શ્રી ભાગવત પારાયણ કર્યું. ખૂબ જ ટૂંક સમયમાં, સંપૂર્ણ બ્રાહ્મણ કુટુંબ ભગવાનની લીલામાં ગયા.
બે બ્રાહ્મણ બાળકો સાથેની આ ઘટનામાં શ્રી મહાપ્રભુજીએ 'શુદ્ધદ્વિતા બ્રાહ્મણવાડ' ના સિદ્ધાંતને સુંદર રીતે સમજાવ્યો છે. દરેક જીવ એ ભગવાનનો એક અંશ છે અને તેથી આપણે દરેક પ્રત્યે દયા રાખવી જોઈએ. આખું જગત ભગવાનનું આધિ-ભૌતિક સ્વરૂપ છે.
